PIDHATO
ATUR PAMBAGYA SAKA KULAWARGA
Nuwun,
panjenenganipun para pinisepuh, sesepuh ingkang kinabekten. Para rawuh ingkang minulya.
Sumangga,
kula lan panjenengan sadaya ngaturaken puji sukur dhumateng Gusti Allah Ingkang
Maha Agung, awit saking idinipun saengga kita saged makempal ing mriki kanthi
rahayu nir ing sambikala.
Kula
nyuwun pangapunten amarga sampun kumawantun ngadeg wonten ngarsa panjenengan,
inggih awit saking kersanipun Bapa ….(diisi jeneng sing duwe omah) sakulawarga, kula ngaturaken sugeng
rawuh wonten acara sukuran wiyosan putranipun Bapa ….(diisi jeneng sing duwe omah)
Kejawi
saking menika Bapak ….(diisi jeneng sing duwe omah) kulawarga ugi ngaturaken agunging panuwun ingkang
tanpa upami awit sadaya pambiyantu ingkang awujud menapa kemawon. Mugi amal
kasaenan panjenengan sadaya pikantuk leliru saking Gusti Allah.
Para
rawuh ingkang kinurmatan, rikala dinten ….(diisi dina) surya kaping ….(diisi tanggal) wanci tabuh ….(diisi jam)
Bapak ….(diisi jeneng sing duwe omah) sakulawarga pikantuk kanugrahaning Gusti inggih menika pinaringan
momongan ingkang mijil ....(milih kakung/estri) wonten
ing griya sakit ….(diisi jeneng rumah sakit), kanthi wilujeng boten wonten alangan setunggal menapa.
Wondene jabang bayi ingkang pinaringan nama ….(diisi jeneng bayi) Dhumateng panjenenganipun
para rawuh, keparengan paring donga. Mugi-mugi putra ingkang mijil
menika tansah pinaringan rahmating Gusti. Dados putra ingkang bekti dhateng
tiyang sepuhipun sarta migunani dhateng sesaminipun.
Para rawuh ingkang kinurmatan, minangka pungkasaning atur, mbokbilih anggenipun nampi rawuh panjenengan sadaya kathah kekiranganipun, kula minangka sesulihipun Bapa….(diisi jeneng sing duwe omah) sakulawarga, nyuwun samodra pangaksama. Semanten ugi kula pribadi, menawi kathah kalepataning atur saha kirang trapsila anggen kula matur, kula nyuwun agenging pangaksama. Nuwun.
Tidak ada komentar:
Posting Komentar